SERGIO MIGUEZ REPITE VICTORIA DE ETAPA NA VOLTA A TOLEDO

  O ciclista vigués do GD Supermercados Froiz, Sergio Míguez, segue a demostrar o seu bó momento de forma na Volta a Toledo e hoxe acadou a súa segunda victoria parcial, sobre tres posibles, na ronda manchega.

 Miguez venceu ao sprint, logo dos 144 kilómetros da etapa disputada entre Navalcarnero e Villarubia de Santiago, e impúxose a David Santillana (GS Valencia) e Jesús Rubio (Caja Rural).

  O resto dos galegos participantes na ronda toledana chegaron no pelotón nos seguintes postos: David López (19º), Aser Estévez (21º) e José Luis Mariño (29º).

  Mañá dispútase a cuarta e última tirada da ronda toledana que se inicirá no Polígono Industrial da Cidade do Alcázar e rematará no Paseo De Zocodovar da mesma capital manchega, logo de 137 kilómetros no que os corredores deberán superar os altos de Cerro Los Palos  (2ª categoría, kilómetro 7 ), Robledillo (1ª categoría, kilómetro 57) e Milagro (2ª categoría, kilómetro 88).

 Na xeral non hai trocos, logo da etapa de hoxe. e Pedro Merino (Froiz) conserva a camisola de líder co mesmo tempo do andaluz Antonio Pedrero (Lizarte) e con 11 segundos de aventaxe sobre José Antonio De Segovia (Froiz)  en tanto que os galegos figuran nas seguintes posicións: Sergio Miguez (16º a 4 m 34 seg), Aser Estévz (19º a 4-37), José Luis Mariño (22º a 4-37) e David López (64º a 10-54).